KUANDO EL REY NIMROD

Kuando el rey Nimrod al kampo salia 

Mirava en el sielo i en la estreyeria 

Vido luz' santa en la Djuderia

Ke avia de naser Avraam Avinu

 Avraam Avinu padre kerido  
 Padre bendicho luz de Israel (2 )

La mujer de Terah kedo prinyada 

De dia en dia el le preguntava 

Deke tenesh la kara tan demudada 

Eya ya savia el bien ke tenia

 Avraam Avinu ..............

Luego a las komadres enkomendava 

Ke toda mujer ke prinyada kedara 

La ke pariera ijo al punto lo matara 

Ke avia de naser Avraam Avinu

 Avraam Avinu ..............

Sierto loaremos al verdadero El 

Saludemos al kompadre i al moel 

Ke por su zehut mos venga el Goel 

I rihma a todo Israel

 Avraam Avinu ..............